ISO 22000

O pasado 9 de decembro de 2010 AENOR S. A. certificou 11 granxas de socios de Feiraco baixo a norma UNE-EN ISO 22000:2005 para a produción gandeira de leite de vaca, o que supón acadar o estándar máis elevado de seguridade nos alimentos co maior recoñecemento internacional.

A norma UNE-EN ISO 22000:2005 foi creada co obxectivo de unificar, a nivel internacional, a xestión da seguridade alimentaria. Distintamente de normas anteriores, a ISO 22000:2005 cobre todos os procesos ao longo da cadea alimentaria. Deste modo, todas as organizacións involucradas na cadea están cubertas por un paraugas común, en forma dun sistema de xestión de seguridade alimentaria doado de comprender, implantar e auditar.

Esta norma decontado foi implantada por procesadores de produto e outros axentes, porén, a certificación por parte do primeiro elo da cadea alimentaria -o produtivo- non se levara a cabo. Con esta certificación, as granxas de Feiraco marcan un fito sen precedentes en España e en Europa, ao non existir no noso contorno socioeconómico ningún axente produtivo certificado baixo esta norma.

GRANJAS CERTIFICADAS:

• SAT Busto
• Jesus Mariño Gonzalez
• SAT Casal Vilar
• Ganaderia Dubra S.C.
• Ganaderia Castiñeiras de Oa
• Mercedes Gesto Rodriguez
• Mercedes Landeira Mansilla
• SAT San Vicente de Niveiro
• Monica Landeira Noya y Otro S.C.
• Ganaderia A Pereiriña
• Leonardo Cornes