Galega 100%

O día 3 de febreiro de 2011 Feiraco obtivo a licenza de uso da marca GALEGA 100 % nas súas marcas comerciais Feiraco Unicla, Feiraco Enteiro, Feiraco Semidesnatado, Feiraco Desnatado e Feiraco Hostalería.

A marca Galega 100 % é un distintivo de garantía propiedade da Asociación Laboratorio Interprofesional Galego e Análise do Leite (LIGAL), que garante que a materia prima dedicada á elaboración de leite e produtos lácteos procede exclusivamente de explotacións inscritas no rexistro de explotacións leiteiras de calidade diferenciada, creado polo Real decreto 57/2010 do 8 de abril.

O rexistro de explotacións leiteiras de calidade diferenciada é un rexistro público informativo de explotacións leiteiras que, no marco dos controis oficiais efectuados pola Xunta de Galicia, demostran acadar de xeito continuado uns parámetros de calidade superiores aos esixidos pola norma comunitaria.

Os requisitos para formar parte deste rexistro son:

1. a) Estar en posesión da carta verde de saneamento gandeiro.
2. Dispor dun historial de cumprimento acreditado dos seguintes parámetros de calidade no leite:
   • Colonias de xermes a 30 ºC (por ml) = 90 000 (media xeométrica móbil observada durante un período de dous meses).
   • Contido de células somáticas (por ml) = 350 000 (media xeométrica móbil observada durante un período de tres meses).
   • Non se detectar nos últimos seis meses nin en mostras oficiais nin en mostras de autocontrol, residuos de antibióticos.
3. Que non se fose obxecto de sanción por incumprimentos en materia de condicionalidade, sanidade e benestar animal e seguridade alimentaria durante os últimos seis meses, contados desde o día seguinte a aquel en que adquira firmeza.